World No Tobbaco Day poem

     

    

பிரச்சாரங்கள் பல!

பதாகைகள்  சில !

எண்ணற்ற கருத்தரங்குகள்! 

ஏராளமான ஆலோசனைகள்!

ஏனோ ஏற்கவில்லை 

எதையும் மனம்! -பலரின்

பகையினை மறந்தாலும்

பழகிப் போன 

புகையிலை மறக்க

மறுக்கிறது மனம்!

பத்து வயது மகள் - அவன்

பையில் புகையிலை பார்த்ததும்

"அப்பா!

அனைவரையும் கொல்லும் உயிர்கொல்லி பிடித்த கரங்கள் தான்

என்னை 

அன்புடன் அணைத்த கரங்களோ"! என்றாள்.

அந்த நொடியில் -புகையிலை 

கீழே  போட்ட  அவன்

கரங்கள்

கடைசி வரை எடுக்கவில்லை !

-வி. ஆஷாபாரதி