முரசு கொட்டிய
       முக்கிய அறிவிப்புகளெல்லாம் -இன்று
       மின்னல் வேகத்தில்
       மின்னஞ்சலில்!
       மைல்கள் கடந்து சென்றோம்
       மதிப்பெண் வெளியீடு அன்று:
       மதில்களுக்குள்ளேயே
       மடிக்கணினியில்
       மதிப்பெண் பட்டியல் இன்று!
       கடிதத்திற்கான காத்திருப்பு
       காணாமல் போகச்  செய்தது
       கண்ணிமைக்கும் நொடிகளில்
       கட்செவியில் கலந்துரையாடல்!
       கப்பல், பேருந்து பயணம்
       கணிசமாய் குறைத்துவிட்டதோ
       காணொலியின் வருகை!
   
      எண்ணிலடங்கா எந்திரங்கள் -நம்
      எண்ணங்களை
      எங்கும் பகிர்ந்திட !
      எனினும் அவற்றை
      ஆக்கத்திற்கும்
      அழிவிற்கும் பயன்படுத்துவது
      அவரவர் அறிவை சார்ந்ததே!
                    -வி. ஆஷாபாரதி