Thedal kavithai

தேடல்

தேடலிலேயே
தீர்ந்துவிடுகிறது காலம் -எனினும் -தான்
தோற்றுப்போனதாய்
தோன்றியதில்லை
தேடலுக்கு ஒருபோதும் -நாம்
தேடுவது -நம்மைத்
தேடுகின்றதோ
தெரியவில்லை,
தேடுபவர்
தேய்ந்துவிட்டபோதும் -எவரும்
தேடலை விடுவதாயில்லை
தீராத அன்புத் தேடல்,
தணிந்திடாத அறிவுத் தேடல்,
தங்கிடாத பணத் தேடல்,
தரணி வெல்ல வெற்றித் தேடல் -என
தொடர்கிறது
தேடலின் பயணம். 
                    -வி ஆஷாபாரதி