உயரமான மலைக்குச் சென்றான்
உணவுக்காக தேன் எடுக்க ஓர்
உழைப்பாளி:
உயிரைப் பணயம் வைத்து
சுவையான தேனை எடுத்து
ஊர் திரும்பினான் -
"உணவுக்காகவே என்றாலும்
உழைக்கும் தேனீக்களின்
உன்னதமான உழைப்பை
உறிஞ்சி உண்பதா?" -ஏனோ
உள்ளுக்குள் வலித்தது !-சிறு
உயிர்களின் உழைப்பையும்
உயர்வாய் எண்ணிய அந்த
உழைப்பாளிக்கு:
ஊர் திரும்பிய பின்
ஊரெங்கும் பூச்செடிகளை நட்டான்.
உழைக்கும் தேனீக்களுக்காக!
(வேடிக்கையாக தோன்றினாலும்
வியர்வை சிந்தும் ஒவ்வொரு
உழைப்பாளிக்கும்,உழைப்பின்
உன்னதத்தை உணர்ந்த அனைவருக்கும் இக்கற்பனை கதை சமர்ப்பணம்!)🌺🌺🌺🌺🌺💐
-வி.ஆஷாபாரதி
Post a Comment